Teacher's Day

സെന്റ് മേരീസ് EMHS-ലെ ഓണാഘോഷം

                  സെന്റ് മേരീസ് ഇംഗ്ലീഷ് മീഡിയം ഹൈസ്‌കൂളിന്റെ ഈ വര്‍ഷത്തെ  ഓണാഘോഷ പരിപാടികള്‍ വിവിധ കലാപരിപാടികളോടെ ആഗസ്‌റ്റ് 29 -ന് സ്‌കൂളില്‍ വച്ച് നടത്തി. KG, LP, UP, HS വിദ്യാര്‍ത്‌ഥികള്‍ക്കായി പരിപാടികള്‍ സംഘടിപ്പിച്ചു. അതില്‍ KG വിദ്യാര്‍ത്‌ഥികള്‍ക്കായി മാത്രം നടത്തിയ പുഞ്ചിരി മത്സരം ഏറെ രസകരമായിരുന്നു. ഒന്നു മുതല്‍ പത്ത് വരെയുള്ള കുട്ടികളെ  നാലു വിഭാഗങ്ങളായി തിരിച്ചിരുന്നു. ഉച്ചയ്‌ക്ക് 12.30-ന് ഓണസദ്യ ഒരുങ്ങി. PTA ക്കാരുടെയും അധ്യാപകരുടെയും കൂട്ടായ്‌മയോടെ നടത്തിയ ഓണസദ്യ വളരെ ഗംഭീരമായിരുന്നു.  ഓണസദ്യയ്‌ക്ക് ശേഷം കുട്ടികളുടെ നാലു ഗ്രൂപ്പുകള്‍ തമ്മിലുള്ള വാശിയേറിയ വടംവലി മത്സരം നടന്നു. ഇത് പരിപാടിയിലെ അവസാനത്തെ ഇനമായിരുന്നു. വടംവലി മത്സരത്തിന്റെയും പൂക്കളമത്സരത്തിന്റെയും സമ്മാനങ്ങള്‍ സ്‌കൂള്‍ അധികൃതരുടെയും പി റ്റി എ ക്കാരുടെയും സംയുക്ത ആഭിമുഖ്യത്തില്‍ കുട്ടികള്‍ക്ക് നല്‍കിക്കൊണ്ട് മൂന്നു മണിയോടെ ഓണപ്പരിപാടി സമാപിച്ചു.